​ហេតុអ្វីប្រារព្ធទិវាសិទ្ធិនារីអន្ដរជាតិ? នៅក្នុងទិវាសិទ្ធិនារីអន្តរជាតិ ថ្ងៃទី៨ ខែមីនា ឆ្នាំ២០១៩នេះ យើងខ្ញុំសូមគោរព ជូនពរដល់ ស្រ្ដី គ្រប់ៗរូបសូមជួបប្រទះតែសេចក្ដីសុខសេចក្ដីចម្រើន រកទទួលទានមានបាន មានសុខភាពល្អ ប្រាជ្ញាវៀងវៃ បើប្រាថ្នាអ្វីសូមឱ្យបានសម្រេចដូចសេចក្ដីប្រាថ្នា ជាពិសេសសូមឱ្យសម្រស់កាន់តែស្រស់ស្អាត សូមអរគុណ!! ត្រូវបានប្រារព្ធធ្វើឡើងជារៀងរាល់ឆ្នាំ នៅថ្ងៃទី ៨ ខែមីនាដើម្បីអបអរសាទរចំពោះសមិទ្ធផលសម្រេចបានរបស់ស្ត្រីទូទាំងប្រវត្តិសាស្ត្រ និងទូទាំងប្រទេសលើពិភពលោក។ ទិវានេះ ត្រូវបានគេស្គាល់ផងដែរថា ជាទិវាអង្គការសហប្រជាជាតិ ដើម្បីសិទ្ធិស្ត្រី និងសន្តិភាពអន្តរជាតិ។ ប្រវត្តិ ទិវាសិទ្ធិនារីអន្តរជាតិ ៨មីនា ការប្រជុំគ្នាថ្ងៃទី៨ ខែមីនា នៅទីក្រុងដាកា ប្រទេសបង់ក្លាដេស ទិវានារីអន្តរជាតិ (៨មីនា) គឺជាទិវាមួយដែលនារីជុំវិញពិភពលោកប្រារព្ធពិធីដើម្បីរំលឹកអប អរសាទរ។ជាឱកាសមួយ ត្រូវអបអរ ដោយមានពិធីបុណ្យរំលឹកខួបប្រារព្ធធ្វើដោយនារីជុំវិញ ពិភពលោក។ អង្គការសហប្រជាជាតិ ក៏ប្រារព្ធពិធីអបអរសាទរទិវានេះ និងប្រទេសជាច្រើន បានកំណត់ទិវានេះ ថាជាថ្ងៃបុណ្យជាតិរបស់ខ្លួនផងដែរ នៅពេលនារីក្នុងទ្វីបទាំងអស់ ដែលជាញឹកញាប់តែងត្រូវបែងចែក ដោយព្រំដែនជាតិ និងដោយជាតិពន្ធខុសគ្នា ដោយភាពខុសគ្នាខាងភាសា វប្បធម៌ សេដ្ឋកិច្ច និងនយោបាយ មកជួបជុំគ្នាដើម្បីធ្វើពិធីបុណ្យរំលឹកខួបទិវារបស់ខ្លួន គេអាចរំលឹកឡើងវិញអំពីប្រពៃណីដែលតំណាងឲ្យយ៉ាងតិចប្រាំបួនទសវត្ស នៃការតស៊ូដើម្បី សមភាព យុត្តិធម៌ សន្តិភាព និង អភិវឌ្ឍន៍។ ទិវានារីអន្តរជាតិ គឺជារឿងរបស់នារីសាមញ្ញ ដែលជាអ្នកកសាងប្រវត្តិសាស្ត្រ។ វាបានចាក់ឫស ក្នុងការតស៊ូរបស់នារី អស់ពេលរាប់សតវត្ស ដើម្បីចូលរួមក្នុងសង្គមដោយស្មើភាពជាមួយបុរស។ នៅក្នុងប្រទេសក្រិចដែលជាប្រទេសចំណាស់ លីស៊ីស្ត្រាតា (Lysistrata) បានផ្ដើមគំនិតធ្វើកូដកម្មផ្លូវភេទ ប្រឆាំងនឹងបុរសដើម្បីបញ្ចប់ សង្គ្រាម និងនៅអំលុងបដិវត្តន៍បារាំង នារីក្នុងទីក្រុងប៉ារីស បានអំពាវនាវរក "សេរីភាព សមភាព ភាតរភាព" ដោយដើរជាក្បួនឆ្ពោះទៅកាន់ទីក្រុងវែរសៃ ដើម្បីទាមទារសិទ្ធិបោះឆ្នោតសម្រាប់នារី។ គំនិតនៃទិវានារីអន្តរជាតិបានលេចឡើងជាដំបូងនៅរបត់នៃសតវត្ស ដែលក្នុងពិភពឧស្សាហូបនីយកម្ម គឺជារយៈពេលនៃដំណើរវាតទី និងចលាចល កំណើនប្រជាជនយ៉ាងឆាប់រហ័ស និងមនោគមវិជ្ជា មូលវិវឌ្ឍនិយម។ ប្រវត្តិសង្ខេប នៃព្រឹត្តិការណ៍នេះរៀបតាមលំដាប់នៃកាលវេលា ដូចខាងក្រោម៖ ឆ្នាំ១៩០៩ យោងតាមសេចក្ដីថ្លែងការណ៍របស់បក្សសង្គមនិយមអាមេរិក ទិវានារីជាតិលើកទីមួយត្រូវបានគេគោរពអបអរសាទរទូទាំងសហរដ្ឋ អាមេរិក នៅថ្ងៃទី២៨ ខែកុម្ភៈ។ នារីបានបន្តធ្វើបុណ្យរំលឹកខួបទិវានេះ រហូតទៅដល់ថ្ងៃអាទិត្យចុងក្រោយនៃខែនោះនាឆ្នាំ១៩១៣។ ឆ្នាំ១៩១០ សមាគមសង្គមនិយមអន្តរជាតិ ជួបប្រជុំគ្នានៅទីក្រុង Copenhagen បានបង្កើតជាទិវានារីមួយដែលមានលក្ខណៈជាអន្តរជាតិ ដើម្បីអបអរចលនា ដើម្បីសិទ្ធិនារី និងដើម្បីជួយសម្រេចឲ្យបាននូវសិទ្ធិបោះឆ្នោតជាសកល សម្រាប់នារី។ សំណើនេះត្រូវបានទទួលអបអរដោយមានការអនុមតិជាឯកច្ឆន្ទដោយសន្និសីទ របស់នារីជាង១០០នាក់មកពីប្រទេស១៧ដែលរួមមាននារីដំបូងគេ បីនាក់ត្រូវបានជាប់ឆ្នោតជាតំណាងរាស្ត្រ សភាហ្វាំងឡង់។ ពុំមានកាលបរិច្ឆេទជាក់លាក់ណាមួយត្រូវបានជ្រើសរើសសម្រាប់ធ្វើ ពិធីអបអរនិងគោរពទិវានេះទេ។ ឆ្នាំ១៩១១ ជាលទ្ធផលនៃកិច្ចពិភាក្សាដែលបានសម្រេចនៅទីក្រុង Copenhagen កាលពីឆ្នាំមុន ទិវានារីអន្តរជាតិ ត្រូវបានគេធ្វើពិធីទទួលអបអរជាលើកដំបូង (នៅ ថ្ងៃទី១៩ខែមិនា) នៅប្រទេសអូទ្រីស ប្រទេសដាណឺម៉ាក ប្រទេសអាល្លឺម៉ង់ និង ប្រទេសស្វីស ដែលក្នុងប្រទេសទាំងនោះ មាននារីនិងបុរសជាងមួយលាននាក់បានមកចូល រួមគាំទ្រទាំងអស់គ្នា។ ជាបន្ថែមទៅលើសិទ្ធិក្នុងការបោះឆ្នោតនិងសិទ្ធិបម្រើការងាររដ្ឋ នារីទាំងនោះបានទាមទារឲ្យមានសិទ្ធិក្នុងការធ្វើការងារសិទ្ធិ ទទួលការបណ្ដុះបណ្ដាល និងសិទ្ធិក្នុងការបញ្ចប់ការរើសអើងចំពោះ ការងារ។ ជិតមួយសប្ដាហ៍ក្រោយមក នៅថ្ងៃទី២៥ខែមិនា សោកនាដកម្មដ៏ខ្លោចផ្សាបណ្ដាលមកពីអគ្គីភ័យ ឆាបឆេះរោងចក្រត្រីកោណផលិតអាវម៉ាដាំ រឹបរាង នៅទីក្រុងញីវយ៉កថ្មី បានផ្ដាច់អាយុជីវិតនារីបម្រើការរោងចក្រនោះអស់ជាង១៤០នាក់ ដែលភាគច្រើនជានារីអន្តោប្រវេសន៍ អ៊ីតាលី និង ជ្វីហ្វ។ ព្រឹត្តិការណ៍នេះមានផលប៉ះពាល់យ៉ាងធំធេងលើច្បាប់ការងារក្នុង សហរដ្ឋអាមេរិក ហើយលក្ខខណ្ឌការងារដែលនាំឲ្យមានគ្រោះមហន្តរាយនេះត្រូវបានគេ ស្មិងស្មាធិ៍ រំលឹកប្រតិស្ឋ អធិស្ឋានក្នុងអំឡុងពិធីបុណ្យជាបន្តបន្ទាប់ដើម្បីរំលឹកទិវានារី អន្តរជាតិ។ ឆ្នាំ១៩១៣-១៩១៤ ជាផ្នែកមួយនៃចលនាសន្តិភាពដែលកំពុងប្រុងប្រៀបដំណើរការនៅពេល មុនព្រឹត្តិការណ៍សង្គ្រាមលោកលើកទី១ នារីរុស្សីបានធ្វើពិធីរំលឹកខួបទិវានារីអន្តរជាតិរបស់គេជាលើក ទីមួយ នៅថ្ងៃអាទិត្យចុងក្រោយក្នុងខែកុម្ភៈឆ្នាំ១៩១៣។ នៅតំបន់ផ្សេងទៀតក្នុង[អឺរ៉ុប] នៅថ្ងៃ ឬប្រហែលថ្ងៃទី៨ខែមិនា នៃឆ្នាំបន្ទាប់មក នារីបានមកមូលផ្ដុំជុំគ្នាដើម្បី ឬមួយតវ៉ាប្រឆាំងនឹងសង្គ្រាម ឬមួយដើម្បីសម្ដែងសាមគ្គីភាពជាមួយបងប្អូននារីៗរបស់គេ។ ឆ្នាំ១៩១៧ ជាមួយនឹងទាហានរុស្សី២លាននាក់ នារីរុស្សីជាថ្មីម្ដងទៀតបានជ្រើសរើសយកថ្ងៃអាទិត្យចុងក្រោយ ក្នុងខែកុម្ភៈ ដើម្បីធ្វើកូដកម្ម ទាមទារ "ចំណីអាហារហូបចុក និង សន្តិភាព"។ មេដឹកនាំនយោបាយបានជំទាស់នឹងការកំណត់ពេលធ្វើកូដកម្មនេះ ប៉ុន្តែទោះជាយ៉ាងណាក្ដី ក៏នារីទាំងនោះនៅតែបោះជំហានទៅមុខជានិច្ច។ ប្រវត្តិបន្ទាប់មកទៀតគឺ បួនថ្ងៃក្រោយមកស្ដេចរុស្សី (The Czar) ត្រូវបង្ខំឲ្យដាក់រាជ្យ ហើយរដ្ឋាភិបាលបណ្ដោះអាសន្នបានផ្ដល់សិទ្ធិបោះឆ្នោតដល់នារី។ ថ្ងៃអាទិត្យប្រកបដោយអត្ថន័យសំខាន់ជាប្រវត្តិសាស្ត្រនោះបាន ប្រព្រឹត្តឡើងចំថ្ងៃទី២៣ខែកុម្ភៈ តាមប្រតិទិន ជូល្យ៉ិនៀ [Julian Calendar =ប្រតិទិនបង្កើតដោយរដ្ឋបុរស Julius Caesar ក្នុងឆ្នាំ៤៦មុនគ្រិស្តសករាជ ដែលកំណត់ពេល១ឆ្នាំម្ដង មាន១២ខែ មួយខែៗមាន៣០ឬ ៣១ថ្ងៃ លើកលែងតែខែកុម្ភៈចេញ] ដែលកាលនោះត្រូវបានគេប្រើប្រាស់ក្នុងប្រទេសរុស្សី ប៉ុន្តែវាត្រូវចំថ្ងៃទី៨មិនា តាមប្រតិទិន Gregorian [(គឺប្រតិទិនជូល្យ៉ិន ដែលត្រូវគេ កែទម្រង់និងដែលគេប្រើប្រាស់សព្វថ្ងៃ] ដែលត្រូវគេប្រើនៅទីដទៃទៀត។ |ចាប់តាំងពីឆ្នាំដំបូងៗនោះមក ទិវានារីអន្តរជាតិ មានទំហំធំធេងថ្មីជាសកលសម្រាប់នារីទាំងឡាយ ទាំងនៅក្នុងប្រទេសអភិវឌ្ឍន៍ ទាំងនៅក្នុងប្រទេសកំពុងអភិវឌ្ឍ។ ការរីកធំធាត់នៃចលនារីអន្តរជាតិ ដែលត្រូវពង្រឹងដោយសន្និសីទនារីជាសកលរបស់អង្គការសហប្រជាជាតិ ចំនួនបួន បានជួយធ្វើឲ្យពិធីបុណ្យរំលឹកខួប ទិវានេះជាចំណុចប្រមូលផ្ដុំមួយសម្រាប់សម្របសម្រួលកម្លាំងដើម្បី ទាមទារសិទ្ធិនារី និងទាមទារឲ្យនារីអាចចូលរួមក្នុងដំណើរការនយោបាយ និងសេដ្ឋកិច្ច។ ទិវានារីអន្តរជាតិកាន់តែប្រែក្លាយទៅជាពេលវេលាមួយសម្រាប់ឆ្លុះ បញ្ចាំង លើការរីកចម្រើនដែលទទួលបាន ដើម្បីអំពាវនាវឲ្យមានការប្រែប្រួល និងធ្វើពិធីអបអរសាទរសកម្មភាពទាំងឡាយដែលធ្វើដោយសេចក្ដីក្លាហាន និងការប្ដេជ្ញាចិត្តដោយនារីសាមញ្ញដែលបានបំពេញតួនាទីវិសាមញ្ញ ក្នុងប្រវត្តិសាស្ត្រនៃសិទ្ធិរបស់នារី។

Recent Comments

នៅក្នុងថ្ងៃទិវាសិទ្ធិនារីអន្តរជាតិ ថ្ងៃទី៨ ខែមីនា ឆ្នាំ២០១៩នេះ យើងខ្ញុំសូមគោរព ជូនពរដល់ ស្រ្ដី គ្រប់ៗរូបសូមជួបប្រទះតែសេចក្ដីសុខសេចក្ដីចម្រើន រកទទួលទានមានបាន មានសុខភាពល្អ ប្រាជ្ញាវៀងវៃ បើប្រាថ្នាអ្វីសូមឱ្យបានសម្រេចដូចសេចក្ដីប្រាថ្នា ជាពិសេសសូមឱ្យសម្រស់កាន់តែស្រស់ស្អាត សូមអរគុណ!! On International Women's Day, March 8, 2019, we would like to wish everyone a happy, healthy, prosperous, healthy, wise person if they wish. Special wishes, let's be beautiful, thank you !!

Friday, March 1, 2019

ប្រធានាធិបតីអាមេរិក Abraham Lincoln ត្រូវគេសម្លាប់ខណៈពេលកំពុង …………



លោក Abraham Lincoln កើតនៅថ្ងៃទី ១២ ខែកុម្ភៈ ឆ្នាំ១៨០៩ នៅរដ្ឋ Kentucky ប្រទេសអាមេរិក ហើយបានកាន់ដំណែងជាសមាជិកសភានៃរដ្ឋ Illinois ក្នុងកំឡុងឆ្នាំ ១៨៤៧-១៨៤៩ ហើយលោកបានក្លាយជាប្រធានាធិបតីអាមេរិកទី ១៦ នៅថ្ងៃទី ០៤ ខែមិនា ឆ្នាំ១៨៦១ រហូតដល់ថ្ងៃទី ១៥ ខែមេសា ឆ្នាំ១៨៦៥ តែគួរឱ្យស្តាយលោកត្រូវបានគេធ្វើឃាតខណៈពេលលោកកំពុងកាន់ដំណែងនៅឡើយ។
http://den-sharing.com/wp-content/uploads/2019/01/Picture4-55.jpg
(ពីឆ្វេងមកស្តាំ) ប្រធានាធិបតីអាមេរិក Abraham Lincoln និងឃាតក John Wilkes Booth
សូមបញ្ជាក់ថា លោក Abraham Lincoln ត្រូវបានគេធ្វើឃាតនៅថ្ងៃទី ១៤ ខែមេសា ឆ្នាំ១៨៦៥ ដែលឃាតកបាញ់ត្រូវក្បាលខាងក្រោយ នៅម៉ោង ១០ និង ១៥ នាទី យប់ ខណៈពេលដែលប្រធានាធិបតីរូបនេះកំពុងមើលរឿងឈ្មោះថា “Our American Cousin” ជាមួយនឹងប្រពន្ធរបស់លោក Mary Todd Lincoln និងភ្ញៀវពីរនាក់ផ្សេងទៀត  នៅរោងកុន Ford’s នៃក្រុងវ៉ាស៊ីនតោន ឌីស៊ី។ តាមពិតឃាតកដែល​បាញ់សម្លាប់ប្រធានាធិបតី គឺតារាភាពយន្ត John Wilkes Booth។
http://den-sharing.com/wp-content/uploads/2019/01/Picture2-59.jpg
ឃាតកបានបាញ់សម្លាប់ Abraham Lincoln ខណៈពេលលោកកំពុងទស្សនារឿង
ក្នុងហេតុការណ៍នោះដែរ មេបញ្ជាការ Henry Rathbone បានព្យាយាមបញ្ឈប់លោក John Wilkes Booth ដើម្បីរំដោះលោក Abraham Lincoln ចេញពីកន្លែងកើតហេតុ ប៉ុន្តែ John Wilkes Booth បានព្យាយាមចាក់ដើមទ្រូងលោក Abraham Lincoln បន្ថែមទៀត ដោយកាំបិតស្នៀត។ បន្ទាប់មក Abraham Lincoln សន្លប់បាត់ស្មារតី ហើយភ្លាមៗនោះត្រូវបានគេដឹកឆ្លងកាត់តាមផ្លូវពីរោងភាពយន្តទៅផ្ទះ Petersen ជាកន្លែងដែលគាត់ស្នាក់នៅ។
http://den-sharing.com/wp-content/uploads/2019/01/Picture3-59.jpg
ឃាតក និងអាវុធទាំងពីរប្រភេទ ដែលបានសម្លាប់លោក Abraham Lincoln
ក្រោយពីគ្រូពេទ្យត្រួតពិនិត្យទៅលើមុខរបួស ត្រូវបានគេប្រកាសថា លោកមានគ្រោះថ្នាក់ដល់ជីវិត ដោយលោកបានសន្លប់អស់រយៈពេល ៩ ម៉ោង ក្រោយមកទៀតលោកបានស្លាប់នៅថ្ងៃទី ១៥ ខែមេសា នៅម៉ោង ៧ និង ២២ នាទី ព្រឹក។
http://den-sharing.com/wp-content/uploads/2019/01/Picture1-55.jpg
លោក Abraham Lincoln ត្រូវពិនិត្យដោយគ្រូពេទ្យក្រោយពេលកើតហេតុ
ដោយឡែកសម្រាប់ឃាតក John Wilkes Booth ត្រូវបានទាហានតាមស្វែងរក ហើយបានបាញ់សម្លាប់ដោយពលបាលត្រីឈ្មោះ Boston Corbett នៅថ្ងៃទី ២៦ ខែមេសា ឆ្នាំ ១៨៦៥។ ឃាតក John Wilkes Booth ជឿជាក់ថា ការសម្លាប់លោក Abraham Lincoln នឹងអាចផ្លាស់ប្តូរយ៉ាងខ្លាំងចំពោះគោលនយោបាយរបស់អាមេរិកឆ្ពោះទៅភាគខាងត្បូង។
http://den-sharing.com/wp-content/uploads/2019/01/Picture5-51.jpg
ពលបាលត្រីឈ្មោះ Boston Corbett ដែលបានបាញសម្លាប់ John Wilkes Booth នៅក្នុងកសិដ្ឋាននេះ
ក្រោយពីបានសម្លាប់ John Wilkes Booth រួច ប៉ូលីសក៏បានសើបអង្កេត និងដឹងពីមេផ្សំគំនិតផ្សេងទៀតក្នុងការសម្លាប់ប្រធានាធិបតីលោក Abraham Lincoln មានដូចជាលោកស្រី Mary Surratt (អតីម្ចាស់ផ្ទះសំណាក់) និង លោក David Herold (អតីតអ្នកលក់ថ្នាំពេទ្យ)។
http://den-sharing.com/wp-content/uploads/2019/01/Picture7-54.jpg
លោកស្រី Mary Surratt និង លោក David Herold
ទន្ទឹមនឹងនោះដែរ ក៏មានការប៉ុនប៉ងធ្វើឃាតអនុប្រធានាធិបតី Andrew Johnson និងរដ្ឋមន្រ្តីក្រសួងការពារជាតិ​ William H. Seward ដោយឃាតកឈ្មោះ George Atzerodt និង Lewis Powell តែត្រូវបរាជ័យ ដោយបានត្រឹមតែធ្វើឱ្យរបួសស្នាមតិចតួចតែប៉ុណ្ណោះ ពីព្រោះបាញ់មិនចេញគ្រាប់ និងមានការជួយអន្តរាគមន៍ពីគ្រួសាររបស់ William H. Seward។ ឃាតក George Atzerodt និង Lewis Powell ត្រូវបានគេកាត់ទោសព្យួករផងដែរ៕
http://den-sharing.com/wp-content/uploads/2019/01/Picture6-53.jpg
ការព្យួកលោក Mary Surratt, Lewis Powell, David Herold និង George Atzerodt កាលពីថ្ងៃទី ៧ ខែកក្កដា ឆ្នាំ១៨៦៥


at
Labels:

No comments:

Post a Comment

Subscribe to: Post Comments (Atom)